![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A batalla de Guadalachara estió una batalla escaicita mientres a Guerra Civil espanyola en a comarca d'a ciudat de Guadalachara (provincia de Guadalachara, Castiella-La Mancha), dende o 8 de marzo de 1937 dica o 23 de marzo de 1937. En a batalla luitoron d'una man as tropas de l'Exercito Popular Republicano y d'atra as tropas s'os sublevatos, formatas mas que mas en ista batalla por soldatos italianos faixistas d'o Corpo di Truppe Volontarie.
A batalla prencipió con un ataque d'os italianos o 8 de marzo, continó con una contraofensiva republicana o 12 de marzo, que redotó a os italianos con importants perdugas de material (carros de combate y canyons, mas que mas), encara que cuan plegoron a o frent tropas de refuerzo d'os sublevatos s'estabilizó a linia, rematando a batalla o 23 de marzo sin que os sublevatos hesen conseguito os suyos obchectivos, que yeran de penetrar en as esfensas de Madrit dende o norte a traviés d'a carretera Zaragoza-Madrit, y reforzando asinas a mesma esfensa d'a ciudat setiata.
© MMXXIII Rich X Search. We shall prevail. All rights reserved. Rich X Search